The news is by your side.

Advertisement

کراچی میں پولیس مقابلہ، کالعدم تنظیم کے کمانڈرسمیت چاردہشتگرد ہلاک

کراچی : شہر قائد میں جرائم پیشہ عناصر کے خلاف قانون نافذ کرنے والے اداروں نے گھیرا تنگ کر دیا۔ سہراب گوٹھ میں پولیس مقابلہ میں چار دہشت گرد ہلاک ہوگئے۔

تفصیلات کے مطابق شہر قائد میں جرائم کی روک تھام کیلئے قانون نافذ کرنے والے ادارے متحرک ہوگئے، پولیس حکام کے مطابق سہراب گوٹھ میں پولیس مقابلے کے دوران کالعدم تنظیم کے کمانڈر سمیت چار دہشت گرد ہلاک ہوگئے۔

ایس ایس پی راؤ انوار کے مطابق پولیس اور حساس اداروں نے خفیہ اطلاع پر کراچی کے علاقے کوئٹہ ٹاون میں سرچ آپریشن کیا جس پر دہشت گردوں نے پولیس پارٹی پر فائرنگ شروع کردی۔

جوابی فائرنگ میں چار دہشت گرد ہلاک ہوئے۔ ہلاک ہونے والے دہشت گردوں میں صالح محمد رحمانی بھی شامل ہے، فائرنگ کے تبادلے میں دو پولیس اہلکار زخمی بھی ہوئے۔

دوسری جانب ترجمان رینجرز کے مطابق بلدیہ ٹاؤن اور لیاری میں کارروائی کے دوران دو ٹارگٹ کلر سمیت تین ملزمان کو گرفتار کیا گیا۔

علاوہ ازیں پولیس نے اسنیپ چیکنگ کے دوران چار افراد کو گرفتار کیا، لانڈھی میں پولیس نے مقابلے کے بعد دوملزمان کو گرفتار کرکے اسلحہ برآمد کرلیا۔ نارتھ کراچی میں ڈکیتی کوشش ناکام بناتے ہوئے ایک ڈاکو زخمی حالت میں گرفتار کیا گیا۔

 

Print Friendly, PDF & Email

Comments

comments

یہ بھی پڑھیں