کراچی پولیس کی ٹارگٹڈ کارروائیاں، 19 مشتبہ افراد گرفتار، اسلحہ برآمد -
The news is by your side.

Advertisement

کراچی پولیس کی ٹارگٹڈ کارروائیاں، 19 مشتبہ افراد گرفتار، اسلحہ برآمد

کراچی: شہر قائد میں پولیس کی تابڑ توڑ کارروائیاں جاری ہیں، چار جواریوں سمیت انیس مشتبہ افراد کو گرفتار کرلیا گیا، گرفتار شدگان کی تحویل سے اسلحہ و مسروقہ سامان برآمد کرلیا گیا ہے۔

تفصیلات کے مطابق کراچی میں رات گئے کراچی پولیس نے جرائم پیشہ عناصر کے خلاف تابڑ توڑ کارروائیاں کیں، جوہر آباد پولیس نے دو مشکوک افراد کو گرفتار کرکے اسلحہ برآمد کرلیا ہے۔

بلدیہ ٹاؤن حب ریورروڈ پر بھی پولیس نے کامیاب کارروائی کرتے ہوئے مشتبہ شخص کو حراست میں لے کراسلحہ برآمد کیا۔

مبینہ ٹاؤن پولیس نے ابو الحسن اصفہانی روڈ سے متصل قائد اعظم کالونی میں جوئے کے اڈے پر چھاپہ مار کر 4 جواریوں کو حراست میں لے کر چند ماہ سے قائم جوئے کے اڈے کو بند کرادیا ہے۔ اے ایس آئی محمد رمضان کے مطابق چاروں جواریوں کے خلاف مقدمہ درج کرلیا گیا ہے۔

کراچی میں پولیس کی کارروائیاں‘6ڈاکو گرفتار

  دوسری جانب گذری پولیس نے بھی چھاپہ مار کارروائی کرتے ہوئے 7 مشتبہ افراد کو حراست میں لے کر اسلحہ و مسروقہ سامان برآمد کرلیا ہے۔

 

Comments

comments

یہ بھی پڑھیں