The news is by your side.

Advertisement

کراچی میں دہشت گردی کابڑامنصوبہ ناکام، تحریک طالبان کے دو دہشت گرد گرفتار

کراچی : شہر قائد میں دہشت گردی کا بڑا منصوبہ ناکام بنا دیا گیا، پولیس نے گولا بارود سے بھری گاڑی پکڑ کر کالعدم تنظیم کے دو دہشت گرد گرفتار کر لئے۔

تفصیلات کے مطابق کراچی پولیس نے کراچی کو ایک بار پھر بڑی تباہی سے بچا لیا ،کراچی کے علاقے نیو کراچی صنعتی ایریا میں پولیس نے کارروائی کرتے ہوئے کالعدم تنظیم کے دو دہشت گردوں کو گرفتار جبکہ  مسروقہ گاڑی سے اسلحہ وگولا بارود برآمد کرلیا۔

پولیس کے مطابق گرفتارشدت پسندوں میں محمدسلطان،عبدالرحمان شامل ہیں ۔ ملزمان کا تعلق کالعدم تحریک طالبان پاکستان سے ہے۔

ایس پی نیو کراچی شبیر بلوچ کے مطابق اسنیپ چیکنگ کے دوران کپڑے سے لدی مشکوک سوزوکی کو پولیس نے کورکنے کا اشارہ کیا، ملزمان نے موقع سے بھاگنے کی کوشش کی لیکن پولیس نے تعاقب کر کے گاڑی کو روک لیا، گاڑی کی تلاشی لی گئی تو کپڑے کے درمیان چھپائے گئے تین راکٹ لانچر اور پانچ مائن بن برآمد ہوئے ، گاڑی سے ایک پستول بھی برآمد ہوا۔

گرفتار ملزمان محمد سلطان اور عبدالرحمان عرف شاکر کے خلاف انسداد دہشت گردی ایکٹ کے تحت مقدمہ درج کر لیا گیا ہے

ایس پی نیوکراچی کے مطابق گاڑی شریف آباد سے چھینی گئی تھی، جس کا مقدمہ درج ہے، شدت پسندوں دہشت گردی کی منصوبہ بندی کررہے تھے، ملزمان سے تفتیش شروع کر دی گئی ہے۔،


مزید پڑھیں : کراچی: میمن گوٹھ میں رینجرز کی کارروائی ‘ دہشت گرد ہلاک


یاد رہے دو روز قبل کراچی کے علاقے مراد میمن گوٹھ میں دہشت گردوں اوررینجرزکے درمیان فائرنگ کا تبادلہ ہوا جس میں ایک دہشت گرد ہلاک جبکہ 2 فرار ہونے میں کامیاب ہوگئے تھے۔

ہلاک دہشت گرد کےقبضے سے دستی بم اور اسلحہ بھی بر آمد ہوا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Print Friendly, PDF & Email

Comments

comments

یہ بھی پڑھیں