The news is by your side.

Advertisement

کراچی: پولیس کی رات گئے کارروائیاں، 8 ملزمان گرفتار، اسلحہ برآمد

کراچی: شہرقائد کے مختلف علاقوں میں پولیس نے کارروائیاں کرتے ہوئے آٹھ ملزمان کو گرفتار کرکے اسحلہ برآمد کرلیا۔

تفصیلات کے مطابق ملزمان سے مسروقہ سامان بھی برآمد ہوا، گرفتار ملزمان میں بدنام زمانہ منشیات فروش بھی شامل ہیں۔

کراچی کے علاقے ابراہیم حیدری پولیس نے دو موبائل چور گرفتار کرکے چوری شدہ دو موبائل فون برآمد کیئے، شاہ لطیف پولیس نے گٹکا فروش گرفتار کرکے بھاری مقدار میں گٹکا برآمد کرلیا۔

دوسری جانب گڈاپ سٹی پولیس نے منشیات فروشوں کے خلاف کارروائی کرکے دو ملزمان گرفتار کرلیے، جن کے قبضے سے تین کلو سے زائد چرس برآمد کیں۔

لیاقت آباد سپرمارکیٹ پولیس نے دو جرائم پیشہ ملزمان گرفتار کرکے اسلحہ، دوموبائل فون، کیش اور دیگر سامان برآمد کیے۔

کراچی: شارع فیصل پولیس کی کارروائی‘ 2 ملزمان گرفتار

علاوہ ازیں پاپوش نگر پولیس کی جانب سے کارروائی کے دوران دو ملزمان گرفتار ہوئے، ملزمان کے قبضے سے دوپستول، کیش، موبائل فون اور مسروقہ سامان برآمد کرلیا گیا۔

یاد رہے کہ گذشتہ دنوں شہر قائد کے مختلف علاقوں میں پولیس نے کارروائیاں کرتے ہوئے خاتون سمیت 12 ملزمان کو گرفتار کرکے اسلحہ برآمد کیا تھا۔

واضح رہے گزشتہ سال 21 دسمبر کو کراچی پولیس نے خفیہ اطلاع پر کارروائی کرتے ہوئے دہشت گردی کی متعدد وارداتوں میں ملوث دو خطرناک ملزمان کو گرفتار کیا تھا۔

Comments

comments

یہ بھی پڑھیں