پولیس و رینجرز کی کارروائی، چار اسمگلروں سمیت بارہ سے زائد ملزمان گرفتار -
The news is by your side.

Advertisement

پولیس و رینجرز کی کارروائی، چار اسمگلروں سمیت بارہ سے زائد ملزمان گرفتار

کراچی : شہر قائد کے مختلف علاقوں میں پولیس اور رینجرز نے کارروائیوں کے دوران چار اسمگلرز سمیت ایک درجن سے زائد ملزمان گرفتارکرلئے۔

ترجمان رینجرز کے مطابق کاٹھور کے قریب ایک کارروائی کے دوران رینجرز نے ایرانی ڈیزل کی اسمگلنگ میں ملوث چار ملزمان کو گرفتار کرکے چار ہزار لیٹر سے زائد ایرانی ڈیزل اور ایک گاڑی تحویل میں لے لی۔.

ذرائع کے مطابق گرفتارچاروں افرادایرانی ڈیزل کی اسمگلنگ میں ملوث بین الصوبائی گروہ سے تعلق رکھتے ہیں اور آج بھی براستہ کاٹھور ایرانی ڈیزل کسی دوسرے صوبے لے جانا چاہتے تھے۔

تاہم رینجرز نے بروقت کاروائی کرتے ہوئے ایرانی ڈیزل اسمگلنگ کی کوشش ناکام بنا دی۔گرفتار ملزمان سے مزید پوچھ گچھ جاری ہے۔

ادھر عوامی کالونی میں پولیس نے ایک کاروائی کے دوران تین ملزمان کو گرفتار کیا ہے ملزمان لوٹ مار سمیت دیگر وارداتوں میں ملوث ہیں۔

ملزمان کے قبضے سے اسلحہ ، لوٹا ہوا سامان برآمد کئے ہیں جبکہ شاہ فیصل کالونی سے بھی پولیس نے ایک ملزم کو گرفتار کیا اورنگی کورنگی کے علاقوں میں قانون نافذ کرنے والے اداروں نے مختلف کاروائیو ں کے دوران متعدد مشتبہ افراد کو حراست میں لیکر پوچھ گچھ کیلئے نامعلوم مقام پر منتقل کردیا ہے ۔

ذرائع نے بتایا کہ گرفتار ملزمان کے قبضے سے اسلحہ اور منشیات برآمد ہوئی ہے۔

Comments

comments

یہ بھی پڑھیں