site
stats
پاکستان

کراچی میں رینجرزاورپولیس کی کارروائیاں‘ 17 ملزمان گرفتار

Rangers

کراچی: شہر قائد کے مختلف علاقوں میں رینجرز اور پولیس کی کارروائیوں میں کالعدم تنظیم کے ٹارگٹ کلر سمیت 17 ملزمان کو گرفتار کرلیا گیا۔

تفصیلات کے مطابق کراچی کے علاقے گلبرگ سے کالعدم تنظیم کا ٹارگٹ کلر محمد سعدعرف ڈرائی گرفتار کرلیا گیا، ملزم رینجرز پرفائرنگ ، ٹارگٹ کلنگ اور بھتہ وصولی میں ملوث ہے۔

ترجمان رینجرز کے مطابق جمشید کوارٹرز اور بریگیڈ سے 4 اسٹریٹ کرمنلز جبکہ عوامی کالونی ، درخشاں سے 5 ملزمان کو گرفتار کرکے ان کے قبضے سے اسلحہ، مسروقہ سامان اور منشیات برآمد کرلی گئی۔

دوسری جانب کراچی کے علاقے شاہ لطیف ٹاؤن میں پولیس نے کارروائی کرتے ہوئے قتل کی واردات میں ملوث ملزم کوگرفتار کرلیا۔ پولیس کے مطابق ملزم نےساتھیوں کے ساتھ مل کررحیم نامی شخص کوقتل کیا تھا۔

ادھر زمان ٹاؤن اور نارتھ ناظم آباد میں پولیس نے کارروائیوں کے دوران 2 ملزمان کو گرفتار کے کے ملزمان کے قبضے سے اسلحہ، مسروقہ موٹرسائیکل ، ٹی ٹی پستول برآمد کرکے مقدمہ درج کرلیا۔

علاوہ ازیں پولیس نے لیاقت آباد میں کارروائی کرتے ہوئے 2 ملزمان کو گرفتار کرکے اسلحہ برآمد کرلیا، جبکہ دیگر دو ملزمان کو پولیس مقابلے کے بعد گرفتار کرکے ان کے قبضے سے اسلحہ اور 2 موٹرسائیکلیں اور نقدی برآمد کرلی۔


بچوں کے اغواء اور قتل میں ملوث افراد سمیت 9 خطرناک ملزمان گرفتار


یاد رہے کہ گزشتہ روز کراچی میں رینجرز نے ایم کیوایم لندن کے کارکنان سمیت سے 9 خطرناک ملزمان کو حراست میں لے کر قانونی چارہ جوئی کے لیے پولیس کے حوالے کردیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top