The news is by your side.

Advertisement

کراچی :پولیس اور رینجرز کی کارروائی، کالعدم تنظیم کے5دہشت گرد ہلاک

کراچی : رات گئے پولیس اور رینجرز کی مشترکہ کارروائی میں کالعدم تنظیم کے پانچ دہشت گرد ہلاک اور دو اہلکار زخمی ہوگئے، ملزمان سے اسلحہ اور بارودی مواد برآمد کرلیا ہے۔

دہشتگردوں کیخلاف پولیس اور رینجرز متحرک ہے، منگھو پیر میں رات گئے خفیہ اطلاع پر پولیس اور رینجرز کی مشترکہ کارروائی ہیں، پولیس اور رینجرز کے اہلکاروں نے دہشت گردوں کی گرفتاری کیلئے خیرآباد کےعلاقے کا محاصرہ کیا تو کمپاؤنڈ میں موجود ملزمان نے فائرنگ شروع کردی۔

جوابی کارروائی میں پانچ دہشت گرد ہلاک ہوگئے جبکہ مقابلے میں پولیس کا اے ایس آئی اور رینجرز کا جوان بھی زخمی ہوگیا۔

پولیس حکام کے مطابق ہلاک ملزمان کا تعلق کالعدم تنظیم سے تھا، جو دہشت گردی کی متعدد وارداتوں میں پولیس کومطلوب تھے، پولیس نے ہلاک ملزمان سے برآمد ہونے والا اسلحہ اور بارودی مواد کو اپنی تحویل میں لے لیا۔

پولیس نے ڈیفنس اور گارڈن میں جرائم پیشہ افراد کے خلاف کارروائی کرکے چھ ملزمان کو حراست میں لے کر اسلحہ اور مسروقہ سامان برآمد کیا، دوسری جانب نامعلوم افراد کی فائرنگ سے بلدیہ میں ایک شخص جاں بحق اور ایک زخمی ہوگیا۔

Comments

comments

یہ بھی پڑھیں