The news is by your side.

Advertisement

کراچی: پولیس ،رینجرز کی کارروائیاں، 70سے زائد افراد زیرِحراست

 کراچی : مختلف علاقوں میں رات گئے رینجرز اور پولیس کی کارروائیاں جاری ہے، کاروائیوں کے دوران ستر سے زائد افراد کو گرفتار کرکے موٹر سائیکل اور اسلحہ برآمد کر لیا گیا۔

پولیس نے ملزمان کی موجودگی کی اطلاع پر سعود آباداور ماڈل کالونی میں چھاپہ مار کر پینتالیس مشتبہ افراد کو حراست میں لے لیا، رینجرز نے پی آئی بی کالونی میں واقع عمارت میں کارروائی کرتے ہوئے بیس افراد کو حراست میں لے لیا، جنہیں تفتیش کیلئے نامعلوم مقام پر منتقل کردیا گیا ہے۔

ایم اے جناح روڈ پر سول اسپتال کے قریب پولیس نے مقابلے کے بعد دو ڈاکو زخمی حالت میں گرفتار کرلیے۔

دوسری جانب ناظم آباد سے پولیس نے کارروائی کے دوران تین ملزمان گرفتار کرلیے، ملزمان کے قبضے سے موٹر سائیکل برآمد کرلی گئی، کراچی کے علاقے شاہ فیصل کالونی پانچ نمبر اور ٹیپو سلطان میں پولیس نےکارروائی کے دوران چار ملزم گرفتار کرلیے، ملزمان کے قبضے سے اسلحہ بھی برآمد ہوا ہے۔

Comments

comments

یہ بھی پڑھیں