کراچی : شہرقائد کے علاقےلیاقت آباد میں پولیس نے کارروائی کرکے دوروز قبل سعودآباد سے لاپتہ ہونے والی تینوں طالبات کو بازیاب کروالیا۔
تفصیلات کےمطابق اینٹی وائلنٹ کرائم سیل نے کراچی کے علاقے لیاقت آبادنمبر10میں مکان پر چھاپہ مار کر 2روز قبل سعودآباد سے لاپتہ ہونے والی تینوں طالبات بسمہ، اقراء اور رابعہ کو بازیاب کرالیا۔
تینوں طالبات جمعے کے روز صبح اسکول جاتے ہوئے لاپتہ ہوگئی تھیں۔تینوں لڑکیاں نویں جمایت کی طالبات ہیں اور ان کی گمشدگی کا مقدمہ تھانہ سعودآباد میں درج کرایاگیا تھا۔
طالبات کی گمشدگی کے مقدمے میں سعودآباد پولیس نے 5 نوجوانوں کو حراست میں لیاتھا جن سے تفتیش کے دوران انکشاف ہوا کہ طالبات سے ان کے 1سال سے میسجز تک بات ہورہی تھی۔ پولیس نے نوجوانوں کے موبائل فونز سے طالبات کے ٹیکسٹ میسجز ملے تھے۔
یاد رہے کہ اس سےقبل پولیس نےلڑکیوں کے موبائل فون کا ڈیٹا حاصل کرنے کے بعد پانچ لڑکوں کو حراست میں لے لیا تھا۔لڑکیوں کے اہل خانہ کی جانب سے پولیس پرعدم تعاون کا الزم لگایاگیاتھا۔
زیرحراست نوجوانوں نےانکشاف کیا تھا کہ لڑکیاں والدین کے تشدد سے تنگ آکر گھرسے فرارہوئیں،ملزم مدثر نے بتایا کہ ایک سال سے میسج پربات ہورہی تھی۔
دوسری جانب گمشدہ طالبہ کے چچا نے پولیس پرعدم تعاون کا الزام لگاتے ہوئےاسکول انتظامیہ کو شامل تفتیش کرنے کا مطالبہ کیا تھا۔
مزید پڑھیں : کراچی: اسکول جانے والی 3 طالبات لاپتا، آئی جی کا نوٹس
