دستی بموں کی کھیپ برآمد، کراچی بڑی تباہی سے بچ گیا

کراچی : پولیس نے شہر کو بڑی تباہی سے بچالیا اور بروقت کارروائی کرتے ہوئے دستی بموں کی کھیپ برآمد کرلی ، دستی بم دھوبی گھاٹ کچرا کنڈی سے شاپر میں ملے۔

تفصیلات کے مطابق کراچی پولیس نے گارڈن دھوبی گھاٹ کے قریب دستی بموں کی کھیپ برآمد کرلی اور بروقت کارروائی کرتے ہوئے بڑی تباہی سے علاقے کو بچالیا۔

پولیس کا کہنا ہے کہ نامعلوم دہشت گردوں کی جانب سے 20دستی بموں کو شاپرمیں رکھا گیا تھا ، م ڈسپوزل اسکواڈ تمام دستی بم کو ناکارہ بنانے میں مصروف ہے۔

ایس ایس پی سرفرازنواز نے بتایا کہ دھوبی گھاٹ کچراکنڈی سے تقریبا 20 کے قریب دستی بم شاپرمیں ملے، پولیس کی نفری جائےوقوعہ پرموجود ہے جبکہ انوسٹیگیشن گارڈن پولیس نے تحقیقات شروع کردی ہے۔

Comments