The news is by your side.

Advertisement

کراچی پولیس نے شہری کو لٹنے سے بچالیا، مسلح ملزمان گرفتار

کراچی: شاہراہ پاکستان پر پولیس نے ڈاکوؤں کے ہاتھوں شہری کو لٹنے سے بچالیا، واقعے کی سی سی ٹی وی فوٹیج منظرعام پر آگئی۔

اے آر وائی نیوز کی رپورٹ کے مطابق کراچی میں شاہراہ پاکستان پر موٹر سائیکل سوار ملزمان نے شہریوں سے لوٹ مار شروع کی توگشت پر مامور  پولیس اہلکار موقع پر پہنچ گئے  واردات ناکام بناکر مسلح ملزمان کو گرفتار کرلیا۔

سی سی ٹی وی فوٹیج میں دیکھا جاسکتا ہے کہ سڑک کنارے کھڑے شہری کے پاس دو ملزمان آکر  رکے اور لوٹ مار شروع کردی اس دوران سروس روڈ سے گزرنے والے پولیس اہلکار بھی پہنچ گئے، ملزمان نے پولیس کو دیکھ کر بھاگنے کی کوشش کی جسے پولیس نے ناکام بنادیا۔

فوٹیج میں دیکھا جاسکتا ہے کہ ملزمان پولیس کو دیکھ کر بھاگ رہے ہیں دو پولیس اہلکاروں نے ایک ملزم کو جبکہ دیگر دو پولیس اہلکاروں نے دوسرے ملزم کو گرفتار کرلیا۔

ادھر کراچی کے علاقے کورنگی میں پولیس نے بینکوں سے کیش لے کر نکلنے والے شہریوں کو لوٹنے والے ڈکیت گروہ کے دو کارندوں کو گرفتار کرلیا۔

علاوہ ازیں کراچی کے علاقے شرف آباد میں فائرنگ سے ایک شخص جاں بحق ہوگیا، جاں بحق شخص کی شناخت تاج محمد نام سے ہوئی۔

پولیس کا کہنا ہے کہ واقعہ سیکیورٹی گارڈ سے حادثاتی طور پر گولی چلنے کے باعث پیش آیا، سیکیورٹی گارڈ اکبر کو گرفتار کرکے تفتیش شروع کردی گئی ہے۔

Comments

یہ بھی پڑھیں