کراچی : شہر قائد میں اغوا کاری کا نیٹ ورک افغانستان سے چلنے کا انکشاف سامنے آیا، پولیس نے کاررروائی میں مغوی بچہ بازیاب کراکر 3 اغوا کار کو ہلاک کردیا۔
تفصیلات کے مطابق پولیس نے کراچی میں 29 جون کو میٹروول سائٹ سے اغوا ہونے والا بچہ بازیاب کرالیا، جس کے بعد افغانستان سے اغوا کاری کے نیٹ ورک کے چلنے کا انکشاف بھی سامنےآیا ہے۔
بلدیہ اتحاد ٹاؤن میں کربلا گراؤنڈ کے قریب پولیس نےکارروائی کرتےہوئے تین اغواکاروں کو ہلاک کردیا، پولیس ذرائع کے مطابق ہلاک ملزمان میں دوافغانی نکلے، ایک ملزم کی شناخت کرلی گئی۔
پولیس کا کہنا تھا کہ ملزم نےایک کڑور تاوان مانگا تھا،ملزمان تاوان کیوں مانگ رہے تھے، اس حوالے سے تفیش کررہے ہیں، ہلاک ملزمان کا نیٹ ورک انتہائی منعظم تھا۔
یاد رہے چند ماہ قبل ہی شہر قائد میں پولیس نے کامیاب کارروائی کرتے ہوئے بھتہ خوری اور اغوا میں ملوث پیٹی بھائی کو گرفتار کرلیا تھا، ملزم سب انسپکٹر پر موٹر سائیکل مکینک کے اغوا اور پانچ ہزار روپے بھتہ لینے کا الزام تھا۔
