The news is by your side.

کراچی: کورنگی ندی میں پولیس نے 3 بچیوں کو ڈوبنے سے بچالیا

کراچی : کورنگی ندی میں پولیس نے 3 بچیوں کو ڈوبنے سے بچالیا، ایک بچی کی عمر 9 سال ایک 13 ایک 14 سال کی بچی تھی۔

تفصیلات کے مطابق ڈسٹرکٹ ایسٹ پولیس ریسکیو میں کراچی پولیس پر بازی لے گئی۔

کراچی کی کورنگی ندی میں تین بچیوں کے پھنسنے کی اطلاع پر پولیس نے ایکشن لیا اور بلوچ کالونی پولیس کے اہلکار نے تینوں بچیوں کو ڈوبنے سے بچالیا۔

پولیس اہلکار سکندر نے بتایا کہ ون فائیو پر تین بچوں کے ڈوبنے کی اطلاع ملی تھی، جب موقع پر پہنچے تو تین بچیاں پانی میں پھنسی ہوئی تھی۔

اہلکار سکندر کا کہنا تھا کہ ہم نے اپنی مدد آپ کے تحت فوری طور پر تینوں بچیوں کو بچالیا اور تینوں کو باحفاظت محفوظ مقام پر منتقل کردیا۔

پولیس اہلکار نے کہا ایک بچی کی عمر 9 سال ایک 13 ایک 14 سال کی بچی تھی۔

یاد رہے گذشتہ روز ملیر ندی میں ایک ہی خاندان کے 7 افراد گاڑی سمیت ڈوب گئے تھے ، جس کے بعد ریسکیو ٹیم نےملیرندی سے دو بچوں کی لاشیں نکالی تھیں۔

Comments

یہ بھی پڑھیں