The news is by your side.

Advertisement

دوران ڈیوٹی غائب ہونے والے پولیس اہلکار ہوشیار، اہم فیصلے کرلئے گئے

کراچی: جرائم میں ملوث پولیس اہلکاروں کی بیج کنی کے لئے سندھ پولیس نے اہم ترین فیصلے کرلئے ہیں۔

تفصیلات کے مطابق آئی جی سندھ غلام نبی میمن کی جانب سے جاری بیان کے مطابق پولیس کے زیر استعمال موبائل گاڑیاں کہاں کہاں جاتی ہے؟ اب انہیں بھی مانیٹر کیا جائے گا، موبائل ایپ کے ذریعے پولیس اہلکار جب تک اپنے مقرر کردہ اسپاٹ پر نہیں پہنچیں گے، ان کی حاضری نہیں لگے گی۔

آئی جی سندھ نے ہدایت کی ہے کہ اہلکار وقت اور اسپاٹ پر پہنچ کر اپنی تصویر ایپلیکیشن پر بھیج کر اپنی حاضری یقینی بنائیں گے۔

یہ بھی پڑھیں: سوشل میڈیا کا استعمال، سندھ پولیس کے ملازمین پر بڑی پابندی عائد ، وارننگ جاری

آئی جی سندھ کے مطابق اکثر اہلکاروں کو مقرر کردہ ہاٹ اسپاٹ پر تعینات کیا جاتا تھا لیکن وہ وہاں نہیں چاہتے تھے، اب ڈیجیٹل ٹیکنالوجی کے ذریعے اہلکاروں کی موجودگی ہر وقت مانیٹر ہوسکے گی۔

رپورٹ کے مطابق اس اقدام سے اسٹریٹ کرائم پر قابو پانے میں مدد ملے گی، ساتھ ہی پولیس کے زیر استعمال موبائل گاڑیاں کہاں کہاں جاتی ہیں؟ اب اس کی مانیٹرنگ بھی ہوگی، مانیٹرنگ کے ذریعے پیٹرول کے استعمال اور گاڑیوں کی مانیٹر کی جا سکے گی۔

Comments

یہ بھی پڑھیں