کراچی کے علاقے بلدیہ ٹاؤن میں پولیس اہلکاروں کی سپر اسٹور کے ملازم پر بہیمانہ تشدد کی ویڈیو منظرعام پر آگئی۔
اے آر وائی نیوز کے مطابق بلدیہ ٹاؤن میں ایک پولیس اہلکار سپر اسٹور کی پارکنگ میں موٹر سائیکل پارک کررہا تھا ملازم نے موٹر سائیکل پارک نہیں کرنے دی جس پر پولیس اہلکار تھانے جاکر مزید اہلکاروں کو لے کر آگیا۔
پولیس اہلکاروں نے مل کر ملازم کو مبینہ طور پر تشدد کا نشانہ بنایا اور لاتیں، مکے برسائے اور دیگر ملازمین کو بھی تھپڑ مارے۔
پولیس حکام کا کہنا ہے کہ واقعے کی مکمل تحقیقات کے بعد اہلکاروں کے خلاف سخت کارروائی عمل میں لائی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں