The news is by your side.

Advertisement

کراچی، پولیس کے ہاتھوں گرفتار ٹارگٹ کلر ذوالفقار بھٹہ کے اہم انکشافات

کراچی: پولیس کے ہاتھوں گرفتار ٹارگٹ کلر ذوالفقار بھٹہ کے اہم انکشافات منظر عام پر آگئے۔

تفصیلات کے مطابق کراچی پولیس کے ہاتھوں گرفتار ٹارگٹ کلر ذوالفقار بھٹہ نے اہم انکشافات کیے ہیں، پولیس کا کہنا ہے کہ گرفتار ٹارگٹ کلر کا تعلق ایم کیو ایم لندن سے ہے، ملزم ذوالفقار بھٹہ کا تعلق ٹارگٹ کلر ٹیم رئیس مما گروپ سے ہے۔

پولیس کا کہنا ہے کہ ملزم نے دوران تفتیش انکشاف کیا کہ رئیس عرف مما کے حکم پر ایس پی شاہ محمد کو نشانہ بنایا، والد کے جنازے پر بانی متحدہ کی تصویر نہ لگانے پر ایک شخص کو قتل کیا۔

ملزم نے انکشاف کیا کہ چنیوٹ اسپتال کے باہر عمر زئی نامی شخص کو رئیس مما کے ساتھ مل کر قتل کیا، 12 مئی کو رئیس مما کے حکم پر فائرنگ کرکے کئی افراد کو قتل کیا، قتل کے بعد لاشوں کو جلا دیا گیا تھا۔

مزید پڑھیں: کراچی : ایس پی شاہ محمد شاہ کے قتل میں ملوث مفرور ملزم گرفتار

واضح رہے کہ گزشتہ روز کراچی پولیس نے ایس پی شاہ محمد شاہ کے قتل میں نامزد ملزم کو گرفتار کیا تھا، پولیس کا کہنا تھا کہ مقتول ایس پی شاہ محمد شاہ وزیراعلیٰ سندھ کے رشتہ دار تھے۔

پولیس کا کہنا تھا کہ ملزم ذوالفقار بھٹہ نے ساتھیوں ہمراہ ایس پی شاہ محمد شاہ اور ڈاکٹر دلشاد کو قتل کیا، ذوالفقار عرف بھٹہ کافی عرصے سے مفرور تھا۔

Comments

comments

یہ بھی پڑھیں