کراچی :پولیس کے 65 سے زائد تھانیداروں کو بلیک لسٹ کرنےکا فیصلہ کرلیا گیا، اسمگلنگ مافیا ،آرگنائزڈ کرائم ودیگر میں ملوث تھانیداروں کیخلاف کارروائی ہوگی۔
تفصیلات کے مطابق سندھ پولیس میں اعلیٰ تبدیلی کے بعد اگلا مرحلہ شروع ہوگیا ، حکام کا کہنا ہے کہ کراچی پولیس کے 65 سے زائد تھانیدار بلیک لسٹ کرنےکا فیصلہ کرلیا گیا۔
پولیس نے بتایا کراچی کے تینوں زونز سے ایس ایچ اوز تبدیل کئےجائیں گے، کراچی پولیس آفس میں لسٹیں تیار کی گئی ہیں، تمام ڈسٹرکٹ کے افسران اور اہلکاروں کی کارکردگی رپورٹ کا جائزہ لیا گیا۔
حکام کا کہنا تھا کہ اسمگلنگ مافیا ،آرگنائزڈ کرائم ودیگر میں ملوث تھانیداروں کیخلاف کارروائی ہوگی۔
کراچی میں زمینوں اور اسمگلنگ کیخلاف کریک ڈاؤن تیز کیا جائے گا اور غیر قانونی افغان باشندوں کیخلاف کریک ڈاؤن کیلئےنئی ٹیم اتاری جائے گی۔
Comments
- Advertisement -
