The news is by your side.

Advertisement

کراچی پورٹ پر کھڑے بحری جہاز میں خوفناک آتشزدگی

کراچی : بندرگاہ پر کھڑے بحری جہاز میں آتشزدگی کااواقعہ پیش آیا ہے، پورٹ ہر جہاز سے درآمدی اجناس کی آف لوڈنگ کی جارہی تھی۔

اس حوالے سے بندرگاہ کے ذرائع نے بتایا کہ کراچی پورٹ پر  کھڑے بحری جہازمیں اچانک  آگ بھڑک اٹھی، پورٹ اسٹار نامی بحری جہاز کراچی پورٹ پر برتھ نمبر11پر لنگرانداز ہے۔

خوش قسمتی سے حادثے میں تاحال کسی کارکن کے زخمی ہونے کی اطلاع موصول نہیں ہوئی ہے، حادثہ اس وقت پیش آیا جب بحری جہاز سے درآمدی اجناس کو اتارنے کا عمل جاری تھا۔

ذرائع کا کہنا ہے کہ واقعے کے بعد فوری طور پر بحری جہاز پر کام کرنے والے مزدروں کو ہٹا دیا گیا، امدادی ٹیمیں آگ بجھانے کے عمل میں مصروف ہیں۔

واضح رہے کہ دوسال قبل 2018 میں  بھی کراچی کی بندرگاہ کے قریب کھلے سمندر میں مال بردار جہاز میں پراسرار طور پر آگ لگ گئی تھی، آگ بجھانے کی کارروائی کے دوران پانی بھرجانے کی وجہ سے مال بردار بحری جہاز سمندر میں غرق ہوگیا تھا۔

تیز ہواؤں کے باعث شعلے مزید بھڑک اٹھے آسمان سے باتیں کرنے والے آگ کے شعلوں کو دیکھ کر اطراف کی لانچوں میں موجود افراد نے فوری طور پر کراچی پورٹ ٹرسٹ اور دیگر اداروں کو اطلاع دی۔

واقعے کے فوری بعد پاک بحریہ اور کے پی ٹی کے فائربریگیڈ کا عملہ دوسری لانچوں کے ذریعے موقع پر پہنچ گیا۔ فائر فائٹرز نے 3 گھنٹے کی جدوجہد کے بعد آگ پر قابو پایا تھا۔

Comments

یہ بھی پڑھیں