کراچی: صدر عارف علوی کا سی پی ایل سی دفتر کا دورہ President Arif Alvi
The news is by your side.

Advertisement

کراچی: صدر عارف علوی کا سی پی ایل سی دفتر کا دورہ

کراچی : صدر مملکت عارف علوی نے ای پی ایل سی کے دفتر کے دورے کے دوران کہا کہ سی پی ایل سی بہترین انداز میں کام کررہی ہے۔

تفصیلات کے مطابق سربراہ مملکت ڈاکٹر عارف علوی نے پیر کے روز سندھ میں قائم سی پی ایل سی کے دفتر کا دورہ کرکے شکایتی مرکز، کال سینٹر، گاڑیاں، موبائل فون اور شناختی کارڈ تصدیقی مرکز کا معائنہ کیا۔

سربراہ مملکت ڈاکٹر عارف علوی کا کہنا تاھ کہ سی پی ایل سی بہتر اور منظم انداز میں خدمات انجام دے رہی ہے، سی پی ایل سی اور تمام قانون نافذ کرنے والے اداروں میں رابطہ ہے۔

ذرائع کا کہنا تھا کہ سی پی ایل سی چیف زبیر حبیب نے سربراہ مملکت کو ادارے کی کارکردگی سے متعلق آگاہی فراہم کی اور ڈاکٹر عارف علوی کو اعزازی شیلڈ بھی پیش کی۔

مزید پڑھیں : کراچی: صدر عارف علوی سے وزیرِ اعلیٰ سندھ مراد علی شاہ کی ملاقات

یاد رہے کہ گزشتہ روز وزیر اعلیٰ سندھ نے صدر عارف علوی سے ملاقات کی تھی اس دوران وزیر اعلیٰ اور سربراہ مملکت کے درمیان وفاق اور سندھ میں ورکنگ ریلیشن اور تعاون کو مزید بہتر بنانے پر اتفاق ہوا تھا۔

اس موقع پر صدر عارف علوی نے کہا کہ وفاق اور سندھ میں جاری منصوبوں کو جلد مکمل کیا جائے گا، وفاق سندھ کو پانی کی فراہمی یقینی بنائے گا۔

یاد رہے کہ اس سے قبل چھ جنوری کو صدر عارف علوی کہہ چکے ہیں کہ سندھ حکومت کے تعاون کے بغیر کراچی میں جاری ترقیاتی منصوبوں کو مکمل نہیں کیا جا سکتا۔

Comments

comments

یہ بھی پڑھیں