site
stats
سندھ

کراچی پریس کلب پرنامعلوم افراد کا جاگ ٹی وی کی گاڑی پر حملہ

کراچی : نامعلوم افراد نے کراچی پریس کلب پر جاگ ٹی وی کی گاڑی پر حملہ کرکے پتھراوٴ کیا اور جاگ ٹی وی کی گاڑی کو آگ لگا دی، مشتعل افراد کیمرہ بھی چھین کر لے گئے۔

پولیس کے مطابق جاگ ٹی وی کاعملہ اور ڈی ایس این جی وین کے ہمراہ پریس کلب کے باہر اپنی صحافتی ذمہ داریاں اداکررہا تھا کہ چند نامعلوم مشتعل افراد نے عملے اوروین پرحملہ کردیااورنہ صرف وین موجودعملے کو تشددکانشانہ بنایابلکہ وین کوشدیدنقصان پہنچایا۔

نامعلوم افراد نے کراچی پریس کلب پر حملہ کیا اور شدید پتھراؤ بھی کیا جس سے پریس کلب کے اندر موجود صحافی بھی زخمی ہوگئے۔ نامعلوم افراد کوریج کرنے پرکیمرہ مین سے کیمرہ بھی چھین کر فرار ہوگئے۔

واقعے کے بعد پولیس نے موقع پر پہنچ کر ہوائی فائرنگ کی جس کے بعد مظاہرین منتشر ہوگئے، پولیس کا کہنا ہے کہ واقعے کی تحقیقات کی جارہی ہیں، ملوث عناصر کو جلد گرفتار کرلیا جائے گا۔

علاوہ ازیں متحدہ قومی موومنٹ کی رابطہ کمیٹی نے کراچی پر یس کلب کے باہرمشتعل افرادکی جانب سے جاگ ٹی وی کی ڈی ایس این جی وین اورعملے پرحملے کی شدیدالفاظ میں مذمت کی ہے اوراسے آزادی صحافت کے منافی قراردیاہے۔

رابطہ کمیٹی نے کہاکہ میڈیاہاؤسز،صحافیوں اوران کے آلات کی حفاظت کی ذمہ داری حکومت اورانتظامیہ کی ہے تاہم ایسامحسوس ہوتاہے کہ حکومت اورانتظامیہ اپنی ذمہ داری پوری کرنے میں ناکام ونااہل ثابت ہوئے ہیں جس کے باعث صحافیوں میں شدیدمایوسی عدم تحفظ پیداہورہاہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top