تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کراچی، پرائیویٹ اسکولز نے حکومت کے احکامات ہوا میں اُڑا دیے

کراچی: شہر قائد میں نجی تعلیمی اداروں نے فیسوں میں کمی سے صاف انکار کردیا اور حکومت کی جانب سے جاری کردہ احکامات کو ہوا میں اُڑا دیا۔

تفصیلات کے مطابق کراچی میں پرائیویٹ اسکولز انتظامیہ کی ہٹ دھرمی برقرار ہے، اسکولوں کی جانب سے فیسوں میں 20 فیصد کمی نہیں کی گئی ہے اور بچوں کے گھروں میں فیس واؤچر بھیج دئیے گئے۔

اسکول انتظامیہ کا کہنا ہے کہ فیسں کی مد میں کوئی کمی نہیں کی گئی ہے، حکومت سندھ نے فیسوں میں 20 فیصد کمی کے احکامات جاری کیے تھے۔

اسکول انتظامیہ کی جانب سے گھروں پر فیس واؤچر بھیجے جانے کے بعد والدین پریشان ہوگئے اور وزیر اعلیٰ اور وزیر تعلیم سندھ سے نوٹس لینے کا مطالبہ کیا ہے۔

واضح رہے کہ چند روز قبل سندھ اور پنجاب کے وزرائے اعلیٰ نے کرونا وائرس لاک ڈاؤن کے پیش نظر اسکول کی فیسوں میں 20 فیصد کمی کا اعلان کیا تھا۔

مزید پڑھیں:  اسکولوں کی فیسوں میں 20فیصد کمی کااعلان

وزیر تعلیم سندھ سعید غنی کا کہنا تھا کہ تمام پرائیویٹ اسکول فیس میں 20 فیصد کمی کے فیصلے پر عملدرآمد کرنے اور ماہانہ بنیادوں پر فیس وصول کرنے کے پابند ہوں گے۔

عثمان بزدار کا کہنا تھا کہ چھٹیوں کے دوران پنجاب کے تمام اسکولوں کی فیسوں میں 20 فیصد کمی اور صرف ماہانہ بنیاد پر فیس وصول کرنے کا فیصلہ کیا گیا ہے۔

ان کہنا تھا کہ اسکولوں کو تنخواہوں کی مکمل،بروقت ادائیگی کاپابندبنایاجائےگا اور کسی اسکول کو ٹیچرز یا اسٹاف کو نکالنے کی اجازت نہیں ہوگی۔

Comments

- Advertisement -