کراچی: منگھوپیرمیں نوجوان کی ہلاکت پرعلاقہ مکینوں کا احتجاج -
The news is by your side.

Advertisement

کراچی: منگھوپیرمیں نوجوان کی ہلاکت پرعلاقہ مکینوں کا احتجاج

کراچی: شہر قائد کے علاقے منگھوپیر میں نوجوان کی ہلاکت پرعلاقہ مکینوں نے بنارس چوک پراحتجاج کیا۔

تفصیلات کے مطابق کراچی کے علاقے منگھوپیر میں حب پمپنگ اسٹیشن کے قریب سے مقتول جنید کی لاش ملنے پر لواحقین نے جنید کی میت کو بنارس چوک پررکھ شدید احتجاج کیا اور رکاوٹیں کھڑی کرکے ٹریفک کی روانی کو معطل کردیا۔

مظاہرین نے الزام عائد کیا ہے کہ جنید کو اغوا کے بعد تشدد کا نشانہ بنا کر قتل کیا گیا۔ جنید گزشتہ رات سے لاپتہ تھا۔

دوسری جانب تحریک انصاف کے رکن اسمبلی جمال صدیقی نے دعویٰ کیا کہ مقتول تحریک انصاف کا کارکن تھا جبکہ اس کا قتل ٹارگٹ کلنگ ہے۔

پولیس کے مطابق جنید کی لاش منگھوپیر میں حب پمپنگ اسٹیشن کے قریب سے ملی اور اس کے سر اور کان پر گولی کے نشان تھے۔

پولیس حکام کا کہنا ہے کہ لاش کو عباسی شہید اسپتال منتقل کیا گیا جہاں اس کا پوست مارٹم کرنے کے بعد لاش کو اہل خانہ کے سپرد کردیا گیا ہے۔

آئی جی سندھ پولیس ڈاکٹر سید کلیم امام نے منگھوپیر میں اس مبینہ اغوا اور قتل کا نوٹس لیتے ہوئے ایس ایس پی غربی سے واقعے کی رپورٹ بھی طلب کرلی۔

بلوچستان: نامعوم افراد کی فائرنگ، 5 افراد ہلاک

یاد رہے کہ گزشتہ ہفتے بلوچستان کے ضلع کیچ میں نامعلوم افراد نے فائرنگ کی جس کے نتیجے میں 5 افراد ہلاک ہوگئے تھے۔

Comments

comments

یہ بھی پڑھیں