site
stats
سندھ

کراچی : پی ٹی آئی کے کارکنان کا مقامی قیادت کیخلاف مظاہرہ

کراچی : تحریک انصاف کے کارکنوں نے کراچی میں انصاف ہاؤس کے باہر مقامی قیادت کے خلاف شدید احتجاج کیا ہے، کپتان کے کھلاڑی کراچی کی مقامی قیادت سے ناراض ہیں ۔

تفصیلات کے مطابق انصاف کے نام لیوا ہی انصاف سے محروم ہوگئے، تحریک انصاف کے چئیرمین عمران خان کے کراچی پہنچنے پر کپتان کے متوالوں نے انصاف ہاؤس کے باہر بلدیاتی انتخابات میں ٹکٹوں کی غیر منصفانہ تقسیم پر مقامی قیادت کیخلاف شدید احتجاج کیااور کراچی کی قیادت کے خلاف خوب نعرے بازی کی.

انصاف ہاؤس کے دروازے بند ہونے پر کارکنوں کا پارہ اور چڑھ گیا اور وہ بے قابو ہوگئے۔ کارکنوں کا کہنا تھا کہ بلدیاتی انتخابات میں غیر منصفانہ تقسیم کی گئی۔

کارکنوں نے مطالبہ کیا کہ انٹر ا پارٹی الیکشن کرائے جائیں کیو نکہ مقامی رہنما میرٹ کی دھجیاں بکھیر رہے ہیں اور کراچی میں پارٹی کے معاملات درست طریقے سے نہیں چلا ئے جا رہے.

کارکنوں نے بلدیاتی انتخابات میں شکست کا ذمہ دار کراچی قیادت کو قرار دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top