کراچی کے علاقے سرجانی لیاری 50 میں پنکچر والے نے شاگرد بھائیوں کو بدترین تشدد کا نشانہ بنا دیا۔
اے آر وائی نیوز کے مطابق کراچی کے علاقے سرجانی لیاری 50 میں پنکچر والے نے تلخ کلامی کے بعد شاگرد بھائیوں کو لاتیں، تھپڑ مارے ایک شاگرد کی ناک کی ہڈی ٹوٹ گئی۔
12 سالہ حنیف اور 15 سالہ انیس اسکول سے واپسی پر پنکچر شاپ پر کام کرتے تھے۔
کار سوار شہری نے واقعے کی ویڈیو بنا کر سوشل میڈیا پر شیئر کی جس میں واضح طور پر دکان کے مالک کو کم عمر ملازمین پر تشدد کرتے دیکھا جاسکتا ہے۔
پنکچر والا لوگوں کے جمع ہونے پر انہیں بھی مغلظات بکتا رہا۔
پولیس نے وائرل ویڈیو کا نوٹس لے لیا اور ویڈیو کی مدد سے تشدد میں ملوث ملزم کو گرفتار کرکے کارروائی عمل میں لائی جائے گی۔
