کراچی بارش: وزیراعظم کا نوٹس، امدادی کاموں کا آغاز karachi rain
The news is by your side.

Advertisement

کراچی بارش: وزیراعظم کا نوٹس، امدادی کاموں کا آغاز

اسلام آباد: وزیراعظم شاہد خاقان عباسی نے  بارش کے بعد کراچی میں پیدا ہونے والی صورتحال کا نوٹس لیتے ہوئے کہا ہے کہ شہریوں کی مشکلات کو دور کرنے کے  لیے تمام وسائل بروئے کار لائے جائیں گے۔

تفصیلات کے مطابق کراچی میں ہونے والی بارشوں کے باعث پیدا ہونے والی صورتحال کا وزیراعظم شاہد خاقان عباسی نے نوٹس لیا اور  وفاقی اداروں سمیت پاک فوج  اور رینجرز کو معاونت کی ہدایت جاری کی۔

وزیراعظم نے این ایچ اے، کراچی پورٹ ٹرسٹ و شپبگ ، پاک فوج اور سندھ رینجرز کو ہدایت کی کہ وہ تمام وسائل بروئے کار لاتے ہوئے صوبائی اور شہری حکومت کی مدد کریں۔

شاہد خاقان عباسی نے سندھ حکومت کو یقین دہانی کروائی کہ وفاق ہر ممکنہ مدد فراہم کرنے کے لیے تیار ہے کیونکہ ایک ساتھ مل کر ہی موجودہ صورتحال سے نکلا جاسکتا ہے، وزیراعظم نے ہدایت کی کہ مواصلاتی نظام کو جلد از جلد بحال کیا جائے اور شہریوں کی مشکلات کا فوری ازالہ کیا جائے۔

پڑھیں: کراچی: طوفانی بارش سے 17 افراد جاں بحق، متعدد علاقے زیر آب، تھڈو ڈیم میں شگاف

دوسری جانب شہری حکومت کی درخواست  کے پیش نظر سپہ سالار کی ہدایت پر پاک فوج کے جوان کراچی کی مختلف شاہراوں پر پہنچ گئے اور انہوں نے امدادی کام شروع کیے۔ پاک فوج کی جانب سے مختلف علاقوں میں نکاسی آب کے لیے آلات اور مشینیں استعمال کی گئیں  اور اہم شاہراوں پر سے پانی صاف کیا گیا۔

Comments

comments

یہ بھی پڑھیں