The news is by your side.

Advertisement

کراچی: دھندے سے کیوں روکا؟، گداگروں کا پولیس اہلکار پر بہیمانہ تشدد

کراچی: شہر قائد میں بھکاریوں کے خلاف کارروائی پولیس اہلکار کو مہنگی پڑگئی۔

اے آر وائی نیوز کے مطابق کراچی کے پوش علاقے گزری کے فیز سیون میں بھکاریوں کے خلاف کارروائی پولیس اہلکار کومہنگی پڑگئی، گداگروں کے جتھے نے پولیس اہلکار کو تشدد کا نشانہ بناتے ہوئے زخمی کرڈالا۔

گزری فیز سیون میں پیش آئے واقعے پر پولیس افسران نے نوٹس لیا اور ساؤتھ زون کو گداگر فری بنانے کا فیصلہ کیا، فیصلے کے تناظر میں پولیس نے تابڑ توڑ کارروائیاں کرتے ہوئے چالیس گداگروں کو گرفتار کرلیا۔

پولیس حکام نے پوش علاقے کے تمام تھانوں کو ہدایت کی ہے کہ علاقے میں گداگر نظر آئیں تو انہیں فوری گرفتار کیا جائے۔

واضح رہے کہ رمضان المبارک کی آمد کے ساتھ ہی اندورن ملک سے ہزاروں کی تعداد میں پیشہ ور گداگر کراچی کا رخ کرتے ہیں، پولیس کا کہنا ہے کہ ان لوگوں کی تعداد ہزاروں میں ہوتی ہے اور ان کی اکثریت جنوبی پنجاب کے علاقوں سے تعلق رکھتی ہے۔

شہر کے تجارتی مراکز کلفٹن، ڈیفنس، نارتھ ناظم آباد، حیدری، گلشن اقبال، طارق روڈ اور صدر کے بازاروں اور ٹریفک سگنلز پر بچے، خواتین اور مرد مختلف واسطے دے کر گداگری کرتے ہوئے نظر آتے ہیں۔

Comments

یہ بھی پڑھیں