The news is by your side.

Advertisement

کراچی میں رینجرز کی کارروائیاں‘3ٹارگٹ کلرز گرفتار

کراچی : شہر قائد میں رینجرز کی جانب سے مختلف علاقوں میں کارروائیوں کے دوران تین ٹارگٹ کلرزسمیت ایک بھتہ خور گرفتار کرلیاگیا۔

تفصیلات کےمطابق کراچی کے علاقے جمشید ٹاؤن،کورنگی اور کلفٹن میں رینجرز نے کارروائیوں کے دوران چار ملزمان کوگرفتار کرلیا،ملزمان میں تین ٹارگٹ کلرز اور ایک بھتہ خور شامل ہیں۔

دوسری جانب رینجرز نے شہرقائدکے علاقے پاک کالونی میں کارروائی کرکے گھر سے بھاری مقدار میں چھپی منشیات برآمد کرلی۔

اس سے قبل گزشتہ روزکراچی میں لیاری کے علاقے فوٹولین کلاکوٹ میں رینجرز نے ایک خالی فلیٹ کے اندر سامان میں چھپایاگیا اسلحہ بھاری مقدار میں برآمدکیاتھا۔

مزید پڑھیں:کراچی : لیاری میں رینجرز کی کارروائی‘اسلحے کا بڑاذخیرہ برآمد

سندھ رینجرز کے ترجمان کےمطابق خالی فلیٹ سے بڑی تعداد میں برآمد ہونے والا اسلحے کا ذخیرہ عزیز بلوچ گروپ کاہےجو شہر میں ٹارگٹ کلنگ،بدامنی کے لیے استعمال ہونا تھا۔

مزید پڑھیں:کراچی :پولیس کی کارروائی میں مغوی بازیاب‘2اغواکارہلاک

واضح رہےکہ تین روز قبل شہرقائد کے مختلف علاقوں میں پولیس نے کارروائیوں کے دوران دواغوار کار ہلاک جبکہ ایک ملزم کو مبینہ مقابلے میں زخمی حالت میں گرفتار کرلیاتھا۔

Print Friendly, PDF & Email

Comments

comments

یہ بھی پڑھیں