کراچی: میمن گوٹھ میں رینجرز کی کارروائی ‘ دہشت گرد ہلاک -
The news is by your side.

Advertisement

کراچی: میمن گوٹھ میں رینجرز کی کارروائی ‘ دہشت گرد ہلاک

کراچی: شہرقائد کے علاقے میمن گوٹھ میں رینجرز نے کارروائی کرتے ہوئے ایک دہشت گرد کو ہلاک کردیا جبکہ اس کے 2 ساتھی فرار ہوگئے۔

تفصیلات کے مطابق کراچی کے علاقے مراد میمن گوٹھ میں دہشت گردوں اوررینجرزکے درمیان فائرنگ کا تبادلہ ہوا جس میں ایک دہشت گرد ہلاک جبکہ 2 فرار ہونے میں کامیاب ہوگئے۔

ترجمان رینجرز کے مطابق رینجرز کی کارروائی میں ہلاک ہونے والے دہشت گرد کی شناخت غفورچھوٹوکے نام سے ہوئی ہے، ملزم لیاری گینگ واربابا لاڈلہ اوررحمان ڈکیت کا قر یبی ساتھی تھا۔


کراچی، رینجرز کی کارروائیاں، 11 ملزمان گرفتار


ترجمان رینجرز کا کہنا ہے کہ ملزم 20 سے زائد جرائم کی وارداتوں میں مطلوب تھا، ملزم نے 2006 میں حب کےعلاقےمیں 3 غیر ملکیوں کو قتل کیا تھا۔

ترجمان سندھ رینجرز کے مطابق ہلاک دہشت گرد کےقبضے سے دستی بم اور اسلحہ بھی بر آمد ہوا ہے جبکہ فراردہشت گردوں کی تلاش کے لیے سرچ آپریشن جاری ہے۔

یاد رہے کہ دوروز قبل سندھ رینجرز نے شہر کے مختلف علاقوں میں کارروائیاں کرتے ہوئے 11 ملزمان گرفتار کر کے اُن کے قبضے سے اسلحہ برآمد کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں