وزیراعلیٰ سندھ نے رینجرز کے اختیارات میں توسیع کی سمری پر دستخط کردیے -
The news is by your side.

Advertisement

وزیراعلیٰ سندھ نے رینجرز کے اختیارات میں توسیع کی سمری پر دستخط کردیے

کراچی: وزیراعلیٰ سندھ سید مراد علی شاہ نے رینجرز کے ایک سال قیام اور اختیارات میں‌ تین ماہ کی توسیع کی سمری پر دستخط کردیے
رینجرز اختیارات میں مزید ایک سال کی توسیع کردی گئی، نئے وزیر اعلی نے سمری پر دستخط کردیے جس کے مطابق اندرون سندھ کاراروائی کے اختیارات نہیں ہوں گے۔

تفصیلات کے مطابق رینجرز کے اختیارات میں مزید ایک سال کی توسیع کردی گئی لیکن کارروائی کے اختیارات صرف کراچی تک محدود ہوں گے، وزیراعلی سندھ مراد علی شاہ نے رینجرز اختیارات کے توسیع کی سمری پر دستخط کرکے وفاق کو آگاہ کردیا۔

رینجرز کو کراچی میں نوے دن کے لیے اختیارات دے دئیے گئے ہیں، جس کے مطابق اندرون سندھ کاراروائی کے اختیارات نہیں ہوں گے جبکہ خصوصی اختیارات میں توسیع کا اطلاق انیس جولائی سے ہی ہوگا۔

پیپلز پارٹی کے شریک چیئرمین آصف زرداری سے دبئی ملاقات کے بعد وزیر اعلی سندھ مراد علی شاہ نے کابینہ اراکین کے ساتھ ایک گھنٹے تک رینجرز اختیارات کے معاملے کا جائزہ لیا اور مشاورت کے بعد سمری منظور کی۔

دوسری جانب پیپلز پارٹی کے سینیٹر سعید غنی نے رینجرز اختیارات کو صرف کراچی تک محدود کرنے کی وضاحت کرتے ہوئے کہا کہ دوسرے شہروں میں جب کراچی جیسے حالات ہوئے تب دیکھیں گے۔

واضح رہے کہ گزشتہ دنوں ڈی جی رینجرز بلال اکبر نے لاڑکانہ میں رینجرز کی گاڑی پر حملہ کرکے 1 رینجرز اہلکار کو شہید اور 4 اہلکاروں کو زخمی کرنے کی سخت الفاظ میں مذمت کرتے ہوئے میڈیا کو بتایا تھا کہ رینجرز کرمنل کا پیچھا کرتے ہوئے ہر علاقے میں جائے گی۔

Comments

comments

یہ بھی پڑھیں