site
stats
پاکستان

کراچی : مختلف علاقوں میں سرچ آپریشن اور پولیس مقابلے، 5ملزمان گرفتار

کراچی : جرائم کے خاتمے کیلئے سیکیورٹی اداروں کی کارروائیاں جاری ہیں، مختلف علاقوں سے پولیس مقابلے کے دوران پانچ ملزمان گرفتار کر لئے گئے ہیں۔

کراچی میں سیکیورٹی ادارے متحرک ہیں، مختلف علاقوں میں سرچ آپریشن اور پولیس مقابلوں میں پانچ ملزمان کو گرفتار کرلیا گیا، عزیزآباد،یاسین آباد میں رینجرز نے گرفتار ملزم کی نشاندہی پر سرچ آپریشن کیا، داخلی اور خارجی راستے بند کرکے گھر گھر تلاشی لی گئی۔

مبینہ ٹاؤن اور پیر آباد میں پولیس مقابلوں میں تین ملزم گرفتار کرلئے گئے، ملزمان کے قبضے سے اسلحہ اور مسروقہ سامان برآمد کرلیا گیا، گزری میں بھی پولیس سے مقابلے میں دو ڈاکو زخمی حالت میں گرفتار کرلئے گئے، جنہیں طبی امداد کے لئے اسپتال پہنچایا گیا۔

پولیس نے زخمی ڈاکوؤں کے خلاف مقدمہ درج کرکے تحقیقات شروع کردیں ہیں۔

دوسری جانب اورنگی ٹاؤن میں نشانِ حیدرچوک سے ایک شخص کی لاش ملی، جسے پوسٹمارٹم کے لئے ہسپتال پہنچایا گیا، پولیس مقتول کے ورثا کو تلاش کررہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top