site
stats
پاکستان

کراچی کےمختلف علاقوں میں تیزہواؤں کے ساتھ بارش وژالہ باری

Karachi

کراچی: شہر قائد کے مختلف علاقوں تیزہواؤں کے ساتھ ہونے والی بارش وژالہ باری سے سردی کی شدت میں اضافہ ہوگیا۔

تفصیلات کے مطابق کراچی اور گردو نواح کے علاقوں میں تیز ہواؤں کے ساتھ ہونے والی بارش کے باعث مختلف علاقے جل تھ ہوگئے جبکہ شہر کے مختلف علاقوں میں بجلی کی فراہمی بند ہے۔

کراچی میں ڈیفنس، کلفٹن، اورنگی ٹاؤن، نارتھ کراچی، سعید آباد، نارتھ ناظم آباد، اولڈ سٹی ایریا، گلشن اقبال، کورنگی، ناظم آباد، لیاری، ملیر، لانڈھی میں گرج چمک کے ساتھ بارش ریکارڈ کی گئی۔

شہرقائد میں شارع فیصل اور اطراف کے علاقوں میں ژالہ باری سے سردی کی شدت میں اضافہ ہوگیا۔

دوسری جانب محکمہ موسمیات کے مطابق کراچی کا موجودہ درجہ حرارت 17 ڈگری سینٹی گریڈ ہے۔

محکمہ موسمیات کا کہنا ہے کہ سب سے زیادہ بارش کراچی میں ایئرپورٹ کے علاقے میں 8.4 ملی میٹر ریکارڈ کی گئی جبکہ ہوا میں نمی کا تناسب 45 فیصد ہے۔

محکمہ موسمیات نے پیشگوئی کہ ہے کہ آج شام تک وقفے وقفے سے شہر میں ہلکی بارش کا امکان ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top