site
stats
پاکستان

کراچی : بہادرشہری نے ڈاکوؤں کو کچل ڈالا، ایک ہلاک دوسرا زخمی

robbery

کراچی : گلستان جوہرمیں بہادر شہری نے رقم اور موبائل فون لوٹنے والے ڈاکوؤں پر گاڑی چڑھا دی، ایک ڈاکو ہلاک دوسرا زخمی حالت میں پولیس کے حوالے کردیا گیا۔ واقعےکی سی سی ٹی وی فوٹیج اے آر وائی نیوز کو مل گئی۔

تفصیلات کے مطابق گلستان جوہر میں ڈاکوؤں کا شہری کو لوٹنا مہنگا پڑگیا، پولیس کا کہنا ہے کہ اے ٹی ایم سے رقم نکلوانے والے شہری طارق سے موٹر سائیکل سوار ڈاکو رقم اور موبائل فون چھین کر فرار ہورہے تھے۔

لٹنے والے ڈی ایس پی خیرپور کے بیٹے طارق نے ان کا تعاقب کرکے ڈاکوؤں پر گاڑی چڑھا دی، اے آر وائی نیوز کو موصول سی سی ٹی وی فوٹیج میں دیکھا جاسکتا ہے کہ تیز رفتار گاڑی کے ڈرائیور نے موٹرسائیکل کو ٹکر ماری۔

کارسوار موٹرسائیکل کو گھسیٹا ہوا کھمبے سے جا ٹکرایا، جس سے ایک ڈاکو موقع پر ہلاک اور دوسرا اپنی ہڈیاں تڑوا کر اسپتال پہنچ گیا۔


مزید پڑھیں: کراچی کی بہادر بیٹی نے موبائل چھیننے کی کوشش ناکام بنادی، ڈاکو گرفتار


یہ پہلا واقعہ نہیں کچھ روز پہلے بھی کراچی کی ایک بہادر بیٹی نے گلشن حدید میں اپنی گاڑی سے ڈاکوؤں کو ٹکر مار کرزخمی کر دیا تھا جسے شہریوں نے خوب ہاتھ صاف کرنے کے بعد پولیس کے حوالے کر دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ  مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top