کراچی: کھارادر میں دن دہاڑے جیولرز کی دکان پر ملزمان نے دھاوا بول دیا، کیش لوٹنے کے دوران سیکیورٹی گارڈ نے فائرنگ کردی.
تفصیلات کے مطابق کراچی میں ڈاکوؤں کی بے خوفی جاری ہے، کھارادر میں دن دہاڑے جیولرز کی دکان پر ملزمان نے دھاوا بولا اور کیش لوٹ کر چلتے بنے۔ واقعے کی سی سی ٹی وی فوٹیج اے آر وائی نیوز نے حاصل کرلی۔
ملزمان جس دوران کیش لوٹ رہے تھے اسی دوران سیکیورٹی گارڈ نے فائرنگ کردی، فائرنگ سے مارکیٹ میں بھگدڑ مچ گئی۔
فائرنگ کی آواز سن کر دکانداروں نے شوکیس اندر کرکے شٹر گرا دیے۔ فوٹیج میں ملزمان کو گارڈ کا اسلحہ بھی لے جاتے دیکھا جاسکتا ہے۔
پولیس کا کہنا تھا کہ کھارادر میں واقع جیولری شاپ سے مسلح ڈکیت رقم لوٹ کر فرار ہوئے ہیں، واردات کے دوران گارڈ نے فائرنگ کی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں