The news is by your side.

Advertisement

کراچی : صدر موبائل مارکیٹ میں36 گھنٹے تک چوری کرنے والا ملزم گرفتار

کراچی : موبائل مارکیٹ میں طویل ترین چوری کرنے والا ملزم 36 گھنٹے تک مارکیٹ موجود رہا، پولیس نے ملزم کو گرفتار کرکے اسلحہ اور مسروقہ مال برآمد کرلیا۔

تفصیلات کے مطابق کراچی کے علاقے صدر میں موبائل مارکیٹ میں طویل ترین چوری کی واردات ہوئی ہے، پریڈی پولیس نے سی سی ٹی وی فوٹیج کی مدد سے فوری کارروائی کرتے ہوئے ملزم یاسر کو گرفتار کرلیا۔

اس حوالے سے ایس پی امجد حیات نے میڈیا کو بتایا کہ ملزم نے دوران واردات سی سی ٹی وی کیمرے پر اسپرے بھی کیا تھا۔

انہوں نے بتایا کہ گرفتار ملزم سے واردات میں چوری کئے گئے80فیصد موبائل فون اور اسلحہ بھی برآمد کیا گیا ہے، ملزم یاسر نے دوران تفتیش بتایا کہ وہ ہفتے کی رات سے پیر کی صبح تک موبائل مارکیٹ میں ہی چھپا رہا۔

اس نے واردات کیلئے کھانے پینے کا انتظام بھی کر رکھا تھا، ایس پی امجد حیات نے بتایا کہ ملزم نے بینک کے بھی تالے کاٹے، مگر واردات میں ناکام رہا۔

 

Comments

comments

یہ بھی پڑھیں