کراچی: سی ویو پر ویگو ڈالا لے جانا شہری کو مہنگا پڑ گیا۔
اے آر وائی نیوز کے مطابق کراچی میں سی ویو پر ویگو ڈالے کو تیز لہروں نے الٹ دیا، گزشتہ شب شہری گاڑی سمیت سمندر میں گیا تھا۔
پولیس کا بتانا ہے کہ گاڑی مہران سومرو نامی شہری کے نام پر رجسٹرڈ ہے۔
ریسکیو ٹیموں نے رسی کی مدد سے سمندر سے گاڑی کو نکالا اس دوران رسی ٹوٹنے سے ایک ریسکیو اہلکار بھی زخمی ہوگیا۔
ویڈیو میں دیکھا جاسکتا ہے کہ شہری کو گاڑی کو نقصان بھی پہنچا ہے۔
واضح رہے کہ سمندر میں دفعہ 144 نافذ ہے اور کسی بھی قسم کی گاڑی کو لے جانے پر پابندی عائد ہے لیکن شہری پھر بھی مختلف مقامات پر پہنچ جاتے ہیں اور شہری بھی رات گئے سی ویو پر گاڑی لے کر پہنچا تھا۔
افضل خان اے آر وائی نیوز سے وابستہ کرائم رپورٹر ہیں