The news is by your side.

Advertisement

کراچی: مواچھ گوٹھ میں پولیس مقابلہ،گینگ وار کمانڈرعارف گرفتار

کراچی :  مواچھ گوٹھ میں مقابلے کے بعد گینگ وارکمانڈر عارف کو حراست میں لے کر اسلحہ برآمد کرلیا گیا جبکہ مختلف علاقوں میں پولیس کا سرچ آپریشن متعدد مشتبہ افراد کو گرفتار کیا گیا۔

تفصیلات کے مطابق کراچی میں  مواچھ گوٹھ میں پولیس نے مقابلے کے بعد گینگ وارکمانڈرعارف کو گرفتار کرکے اسلحہ برآمد کرلیا جبکہ ملزم عارف کے دو ساتھی فائرنگ کرتے ہوئے فرارہوگئے، ملزم عارف مواچھ گوٹھ میں باکسرز بھائیوں اور پولیس اہل کارنقیب اللہ کے قتل میں ملوث ہے۔

پولیس کے مطابق ملزم منشیات فروشی، بھتہ خوری اور دیگر سنگین جرائم کی وارداتوں میں بھی ملوث رہا ہے۔

مختلف علاقوں میں آپریشن،30 مشتبہ افراد گرفتار

دوسری جانب گلبرگ، سمن آباد، نیو کراچی، خمیسوگوٹھ سمیت مختلف علاقوں میں آپریشن، گھرگھر تلاشی کے دوران تیس مشتبہ افراد کو گرفتار کرلیا گیا۔

ایس پی گلبرگ بشیر بروہی نے بتایا کہ رات گئے جرائم پیشہ افراد کی موجودگی کی اطلاع پر گلبرگ ، سمن آباد، نیو کراچی خمیسو گوٹھ کے مختلف علاقوں میں پولیس کی جانب سے سرچ آپریشن کیا گیا،آپریشن کے دوران پولیس کی بھاری نفری نے علاقے کو گھیرے میں لے کر گھر گھر تلاشی لی، کاروائی کے دوران 30 مشتبہ افراد کوپوچھ گچھ کیلئے حراست میں لیا گیا۔

کراچی کے علاقے آدم خان روڈ پردو ملزمان کی پولیس اہلکار سے لوٹ مار کی کوشش کے دوران اہلکار کی فائرنگ سے ایک ڈاکوزخمی اور دوسرا فرار ہوگیا جبکہ نیوکراچی کےعلاقے خمیسوگوٹھ سے پچیس مشتبہ افراد کو حراست لے لیا گیا۔

Print Friendly, PDF & Email

Comments

comments

یہ بھی پڑھیں