The news is by your side.

Advertisement

سانحہ لاہور کے بعد کراچی میں ممکنہ دہشت گردی کے خدشات،سیکورٹی سخت

کراچی : سانحہ لاہور کے بعد کراچی میں بھی سیکورٹی سخت کردی گئی ہے، ممکنہ سیکیورٹی خدشات پرحساس اداروں نے پولیس،رینجرز اور دیگر سیکیورٹی اداروں کو تحریری طور پر آگاہ کردیا ہے۔

تفصیلات کے مطابق حساس اداروں نے خبردار کردیا ہے کہ لاہور کی طرح کراچی بھی دہشت گردی کا نشانہ بن سکتا ہے، لاہور دھماکے کے بعد کراچی میں ممکنہ سیکیورٹی خدشات حساس اداروں نے پولیس، رینجرز اور دیگر سیکیورٹی اداروں کو تحریری طور پر آگاہ کردیا ہے۔

مراسلہ میں کہا گیا ہے کہ کراچی میں کالعدم تنظیمیں دہشت گردی کی بڑی واردات کر سکتی ہیں، کالعدم تنظیموں کے خودکش بمبار حملے کرسکتے ہیں، کالعدم تنظیموں نے نوجوانوں کو ذہن واش کرکے بمبار کے طور پر تیار کردیا ہے۔

مراسلہ کے مطابق ممکنہ واقعات کو روکنے کیلئے سیکیورٹی انتظامات کئے جائیں۔


مزید پڑھیں: لاہور دھماکا: ڈی آئی جی ٹریفک اور ایس ایس پی سمیت 13 شہید، 70 زخمی


یاد رہے کہ گذشتہ روز لاہور میں خودکش دھماکے میں تیرہ افراد جاں بحق اور ستر سے زیادہ زخمی ہوگئے، جاں بحق ہونے والوں میں ڈی آئی جی ٹریفک اور ایس ایس پی آپریشن سمیت چار اہلکار شامل ہیں۔

دھماکہ اس وقت ہوا جب پولیس افسران پنجاب اسمبلی کے سامنے مظاہرین سے مذاکرات کررہے تھے۔

Print Friendly, PDF & Email

Comments

comments

یہ بھی پڑھیں