کراچی : پولیس کے اعلیٰ افسران نے ایس پی لیاقت آباد بن کر شہریوں کو دھمکی دینے والے کو بچالیا اور کیس تفتیش شروع ہونے سے پہلے ہی ختم کردیا۔
تفصیلات کے مطابق کراچی میں شہریوں کو ایس پی لیاقت آباد بن کر دھمکانے کے معاملے پر اندرونی تفصیلات اےآر وائے نیوز نے حاصل کرلیں۔
پولیس نے بتایا کہ ملزم شہریار نےخاتون کوایس پی لیاقت آباد بن کرفون کیاتھا، خاتون اور ملزم کی آڈیو پولیس افسران کو موصول ہوئی تھی، 26 جون کو لیاقت آباد میں مقدمہ ہوا اور ملزم کو بلایا گیا، ملزم شہریار نے اعتراف کیا کہ اس نےدھمکی آمیزفون کیاتھا۔
پولیس ذرائع کا کہنا ہے کہ کیس کےدوران اعلیٰ افسر کی جانب سےمداخلت کی گئی اور مبینہ طور پر ملزم کی گرفتاری پر سخت برہمی کااظہار کیا گیا جبکہ ایس ایچ اولیاقت آباد پر رشوت کاالزام لگا کرمعطل کردیا گیا۔
پولیس ذرائع کے مطابق ایس پی لیاقت آباد کوبھی معاملے کے بعد مشکلات کا سامنا رہا تاہم پولیس تفتیش شروع ہونے سے پہلے ہی ختم کرکے کیس دبا دیا گیا۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔