کراچی : ایڈمنسٹریٹر کراچی سجاد عباسی کی ہدایت پر محکمہ لوکل ٹیکسز نے شہر کے مختلف علاقوں میں 3700 سے زیادہ نادہندہ یا قواعد کے برخلاف لگائے گئے اشتہاری ہورڈنگز اور بل بورڈ اتارلئے ہیں جبکہ بل بورڈ اور ہورڈنگزکیخلاف آپریشن جاری ہے۔
قائدآباد ملیر سے شارع فیصل پر بل بورڈ اور ہورڈنگز ہٹانے کی مہم شروع کی گئی جو شارع فیصل سے تمام غیرقانونی ہورڈنگز ہٹانے تک جاری رہے گی۔
شہر کے تمام ادارے خطرناک اور خلاف قانون بل بورڈ کو ہٹالیں ،انہوں نے کہا کہ تمام ادارے ہورڈنگز کے حوالے سے کے ایم سی کونسل کے منظور شدہ بائی لاز پر مکمل عملدرآمد کے پابند ہوں گے۔
اہم شاہراہوں اور سڑکوں پر لگے ہوئے 149 ہورڈنگز 2095بینرز /اسٹیمرز،181 ڈائریکشن بورڈز، 156پائیلون سائن،50پول سائن اور شہر میں بنائے گئے بس اسٹاپس پر نصب 150 اشتہاری بینرزسمیت بڑی تعداد میں غیرقانونی اور قواعد کے خلاف لگائی گئیں اشتہاری ڈیوائسز اتار لیں۔
نادہندہ اور غیرقانونی اشتہاری ڈیوائسز کے خلاف اس کارروائی کا مقصد شہر میں لگائے جانے والے اشتہاری ہورڈنگز ،بینرز اور بل بورڈز کو ایڈورٹائزمنٹ بائی لاز کے تحت لانا ہے جبکہ ایسے ہورڈنگز کے خلاف بھی کارروائی جاری ہے جن کے لئے متعلقہ اشتہاری ادارے نے ادائیگی نہیں کی۔
