The news is by your side.

Advertisement

کراچی، ایس آئی یو کی کارروائی، اغوا کا ڈرامہ رچانے والا طالب علم گرفتار

کراچی: شہر قائد میں ایس آئی یو نے کارروائی کرتے ہوئے اغوا کا ڈرامہ رچانے والے طالب علم کو گرفتار کرلیا۔

تفصیلات کے مطابق کراچی میں اسپیشل انویسٹی گیشن یونٹ نے کارروائی کرتے ہوئے اپنے ہی اغوا کا ڈرامہ رچانے والے بیچلرز کے طالب علم کو گرفتار کرلیا، کاروبار کے لیے مطلوبہ رقم کے حصول کے لیے ذیشان نے خود کو مغوی ظاہر کیا تھا۔

پولیس کے مطابق ملزم نے آواز بدل کر اپنے اہل خانہ سے 10 لاکھ روپے تاوان مانگا تھا، اہل خانہ نے اغوا کا مقدمہ سچل تھانے میں درج کروایا تھا۔

پولیس نے ملزم کو ذیشان کو کینٹ اسٹیشن سے گرفتار کیا، گرفتار نوجوان بیچلرز کا طالب علم ہے۔

ایس آئی یو کے مطابق نوجوان کے موبائل فون لوکیشن کی مانیٹرنگ کی گئی تو پہلے ڈرگ روڈ اسٹیشن پھر حیدرآباد اور آخر میں کینٹ اسٹیشن آئی جس پر فوری کارروائی کی گئی۔

ملزم کے خلاف اغوا کے کیس میں گرفتار کرکے مقدمہ درج کرلیا گیا ہے۔

ملزم ذیشان کا کہنا تھا کہ گھر والوں سے کئی بار گیمنگ کے کاروبار کے پیسے مانگے تھے، کاروبار کے لیے پیسے نہ ملے تو اغوا کا ڈرامہ کیا۔

دوسری جانب نجی بس ٹرمینل کے دفتر سے 21 لاکھ روپے چوری کرنے والے ملزم کو گرفتار کرلیا گیا، گرفتار ملزم سات سال سے ادارے میں کام کررہا تھا۔

پولیس کا کہنا ہے کہ گرفتار ملزم سے 14 لاکھ روپے کی رقم برآمد کرلی گئی ہے جبکہ تفتیش جاری ہے۔

Comments

comments

یہ بھی پڑھیں