The news is by your side.

Advertisement

کراچی میں اسٹریٹ کرائمز کا جن بے قابو، پولیس خاموش تماشائی

کراچی : شہر قائد میں ایک بار پھر اسٹریٹ کرائم بڑھنے لگے دو روز قبل بینک سے رقم نکلوانے والے شخص کو لوٹ لیا گیا۔ واقعہ کی سی سی ٹی وی فوٹیج اے آر وائی نیوز نے حاصل کر لی۔

تفصیلات کے مطابق کراچی میں جاری رینجرز آپریشن اور پولیس کے کومبنگ آپریشن کے باوجود اسٹریٹ کرائمز کا جن بے قابو ہوتا جارہا ہے۔

عید قرباں کے قریب آتے ہی جرائم پیشہ افراد نے بھی اپنی چھریاں تیز کرلی ہیں، کراچی میں اسٹریٹ کرائم کی وارداتیں تشویش ناک حد تک بڑھ گئی ہیں۔

بے شمار لوگ روزانہ اپنے موبائل فون نقدی اور قیمتی اشیاء سے محروم ہوجاتے ہیں۔ دو روز قبل نجی کمپنی کا ملازم بینک سے رقم نکلوا کر جارہا تھا کہ دن دہاڑے اسے لوٹ لیا گیا جس کی سی سی ٹی وی فوٹیج اے آر وائی نیوز نے حاصل کرلی۔

سی سی ٹی وی میں واضح طور پر دیکھا جاسکتا ہے کہ واردات کرنے والے افراد موٹر سائیکل پر آئے اور پیٹرول پمپ پر مو جود شخص کو لوٹ کر فرار ہوگئے۔

مزاحمت کرنے پر فائرنگ بھی کی۔ کراچی کا کوئی علاقہ ایسانہیں ہے جہاں اسٹریٹ کرائمز نہ ہوتے ہوں، ڈیفنس ، پی ای سی ایچ ایس، طارق روڈ کلفٹن اور شہر کے دیگر پوش علاقوں میں موٹرسائیکل سوار ملزمان اسٹریٹ کرائم کے لئے آزاد ہیں۔

 

Print Friendly, PDF & Email

Comments

comments

یہ بھی پڑھیں