The news is by your side.

Advertisement

کراچی: تین روز سے بھوکا شخص خود کشی کے لیے پیڈیسٹرین پل پر چڑھ گیا (ویڈیو)

کراچی: پاکستان کے معاشی حب کراچی میں تین روز سے بھوکا شخص غربت سے تنگ آ کر خود کشی کے لیے پیڈیسٹرین پل پر چڑھ گیا۔

تفصیلات کے مطابق بھوک میں مبتلا شخص نے پیڈیسٹرین پل سے کودنے کی کوشش کی تاہم ٹریفک پولیس اہل کار کی عقل مندی اور بہادری سے ایک قیمتی جان بچ گئی۔

تین روز سے بھوک میں مبتلا غریب شخص یونیورسٹی روڈ فیضان مدینہ کے قریب پیڈیسٹرین پل پر چڑھ کر خود کشی کرنے پہنچ گیا تھا، واقعے کی ویڈیو اے آر وائی نیوز نے حاصل کر لی۔

تین روز سے بھوک میں مبتلا شخص کودنے ہی والا تھا کہ اسی دوران ٹریفک پولیس اہل کار جاوید احمد پل پر چڑھا اور ان کی ہوش مندی کے باعث بھوکے شخص کی جان بچ گئی۔

ٹریفک اہل کار نہ صرف شہری کو خود کشی سے روکنے میں کامیاب رہا بلکہ انھوں نے تین دن سے بھوکے شخص کو کھانا بھی کھلایا اور غریب شخص کو اپنی حیثیت کے مطابق امداد بھی دی۔

موقع پر موجود افراد نے ٹریفک اہل کار جاوید احمد کے اس اقدام کو سراہا۔

Comments

یہ بھی پڑھیں