The news is by your side.

Advertisement

کراچی، سرجانی ٹاؤن نوجوان کی خودکشی کا معمہ حل، قتل کے الزام میں دو افراد گرفتار

کراچی: شہر قائد کے علاقے سرجانی ٹاؤن میں گزشتہ روز نوجوان کی مبینہ خودکشی کا معمہ حل ہوگیا، پولیس نے قتل کے الزام میں دو افراد کو حراست میں لے لیا۔

نمائندہ اے آر وائی نیوز کے مطابق کراچی کے علاقے سرجانی ٹاؤن سے گزشتہ روز نوجوان کی لاش برآمد ہوئی تھی، مقتول اسٹیٹ ایجنسی پر ملازم تھا اور سر میں گولی لگنے کی وجہ سے ہلاک ہوگیا تھا۔

پولیس کے مطابق نوجوان کی لاش کے قریب سے خول بھی ملا تھا جسے قبضے میں لے لیا گیا تھا جبکہ لاش کو پوسٹ مارٹم کے لیے اسپتال منتقل کیا گیا۔ پولیس حکام کے مطابق پوسٹ مارٹم رپورٹ میں نوجوان کے خودکشی کرنے کے شواہد نہیں ملے، جس کے بعد دو افراد کو حراست میں پوچھ گچھ کے لیے حراست میں لیا گیا۔

پولیس حکام کے مطابق متوفی زیرحراست اسٹیٹ ایجنسی کےمالک کی پستول سے چلنےوالی گولی سےہلاک ہوا۔

دوسری جانب سرجانی ٹاؤن کے ایک گھر سے خاتون کی گلہ کٹی لاش برآمد ہوئی جسے قانونی کارروائی کے لیے عباسی شہید اسپتال منتقل کیا گیا البتہ ڈاکٹرز نے اسے جناح اسپتال منتقل کرنے کی سفارش کی۔

نمائندہ اے آر وائی نیوز کے مطابق پانچ گھنٹے گزر جانے کے باوجود لاش کا پوسٹ مارٹم نہ ہوسکا کیونکہ جناح اسپتال کی خاتون میڈیکل لیگو آفیسر ڈیوٹی سے غائب ہیں، میت کو فی الحال سرد خانے منتقل کردیا گیا۔

fb-share-icon0
Tweet 20

Comments

comments

یہ بھی پڑھیں