کراچی(27 جولائی 2025): پاکستان رینجرز سندھ اور سندھ پولیس نے علیحدگی پسند کالعدم جماعت کے 2 ملزمان کو گرفتار کرلیا۔
تفصیلات کے مطابق پاکستان رینجرز سندھ اور سندھ پولیس نے خفیہ معلومات کی بنیاد پر تھانہ بن قاسم کے علاقے میں مشترکہ آپریشن کے دوران علیحدگی پسند کالعدم جماعت سے تعلق رکھنے والے 2 ملزمان کو گرفتار کرلیا گیا ہے۔
ترجمان رینجرز کے مطابق آپریشن علیحدگی پسندکالعدم جماعت سے تعلق رکھنے والے شرپسند ملزم عطا اللہ شر کی موجودگی کی اطلاع پر عمل میں لایا گیا۔
ترجمان کا کہنا ہے کہ آپریشن کے نتیجے میں علیحدگی پسند کالعدم جماعت سے تعلق رکھنے والے 2 ملزمان زاہد علی مگسی اور عبدالغفور کو گرفتار کر لیا، ملزمان کے قبضے سے ایک عدد موبائل فون برآمد کر لیا گیا۔
ترجمان نے کہا کہ گرفتار ملزمان 27 اپریل اور 22 جون 2025 کو دوران احتجاج سرکاری املاک اور گاڑیوں کو نقصان پہنچانے میں ملوث ہیں، ملزمان 27 اپریل اور 22 جون 2025 کو احتجاج کے دوران کراچی کے علاقے کاٹھور لنک روڈ پر پولیس کی گاڑی کوآگ لگانے میں ملوث ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں