کراچی میں چلتی ہوئی موٹر سائیکل پر فائرنگ کرکے نوجوان کو قتل کردیا گیا جس کی سی سی ٹی وی فوٹیج منظرعام پر آگئی ہے۔
اے آر وائی نیوز کے مطابق افسوسناک واقعہ ابو الحسن اصفہانی روڈ پر پیش آیا نوجوان کو ٹارگٹ کرکے چلتی موٹر سائیکل پر نشانہ بنایا گیا۔ فائرنگ کے بعد نوجوان گرگیا اور ایک منٹ بعد دو مسلح موٹر سائیکل سوار آگئے اور گرنے والے نوجوان کو مزید گولیاں ماریں۔
سی سی ٹی وی فوٹیج میں دیکھا جاسکتا ہے کہ مسلح شخص نے آن لائن فوڈ ڈیلیوری رائیڈر کو روکا اور اس کے ساتھ بیٹھ کر فرار ہوگیا۔
پولیس کا کہنا ہے کہ لگتا ہے نوجوان کو رنجش پر قتل کیا گیا ہے معاملہ پراسرار ہے، عینی شاہدین کے مطابق چند قدم دور کار سے فائرنگ کی گئی ہے۔
پولیس حکام کا کہنا ہے کہ عینی شاہدین نے بتایا ہے کہ فوڈ رائیڈر کے ساتھ جانے والا شخص کار میں سوار تھا۔
سلمان لودھی اے آر وائی نیوز کراچی کے کرائم رپورٹر ہیں۔