The news is by your side.

Advertisement

کراچی:پولیس اور رینجرز کی کارروائی،11ملزمان گرفتار

کراچی: مختلف علاقوں میں پولیس اور رینجرز نے کاروائیاں کرکے گیارہ ملزمان کو گرفتار کرلیا  جبکہ اورنگی ٹاؤن کے علاقے میں شہریوں کے تشدد سے ڈاکو ہلاک ہوگیا۔

تفصیلات کے مطابق شہر قائد کے علاقے عوامی کالونی میں لنک روڈ کے قریب پولیس نے شہریوں سے چھینا جھپٹی کرنے والے دو ڈاکوؤں کو مقابلے کے بعد گرفتار کرلیا، ایس ایس پی کورنگی کے مطابق گرفتار ہونے والے ڈکیتوں کی شناخت عدنان اور جہاںزیب کے ناموں سے ہوئی، ملزمان کے قبضے سے اسلحہ ، چھینے گئے موبائل فون اور نقدی بھی بر آمد کرلی گئی۔

خواجہ اجمیر نگری میں بھی پولیس نے شہریوں سے لوٹ مار کرنے والے 2 ڈاکوؤں کو رنگ ہاتھوں گرفتار کرلیا، پولیس سے فائرنگ کے تبادلے میں ملزمان شدید زخمی بھی ہوگئے۔

شہریوں کے تشدد سے ڈاکو ہلاک

دوسری جانب اورنگی ٹائون میں ڈکیتی کے دوران اویس نامی شہری کو زخمی کرنے والے ڈاکو کو شہریوں نے تشدد کرکے ہلاک کردیا جبکہ ڈاکو کے فرار ہونے والے 2 ساتھیوں میں سے ایک ساتھی کو بھی عوام نے پکڑ کر پولیس کے حوالے کردیا۔

شاہراہ نور جہاں تھانے کی حدود میں سادہ لباس اہلکاروں نے کاروائی کرکے پیپلز پارٹی ڈسٹرکٹ سینٹرل ہیومن رائٹس کو آر ڈی نیٹر فیصل شیخ کو حراست میں لے لیا، فیصل شیخ کے بھائی کے مطابق 4 گاڑیوں میں سوار سادہ لباس اہلکاروں نے یہ کاروائی کی۔ علاقہ پولیس نے واقعے کے حوالے سے لاعلمی کا اظہار کیا ہے۔

پرانی سبزی منڈی میں رینجرزکے سرچ آپریشن میں پانچ مشتبہ افراد کو حراست میں لے لیا گیا ہے، بلدیہ اتحاد ٹاؤن سےایک شخص کی لاش ملی۔

Print Friendly, PDF & Email

Comments

comments

یہ بھی پڑھیں