The news is by your side.

Advertisement

کراچی میں کل پارہ 41ڈگری سینٹی گریڈ تک جانے کا امکان

کراچی : محکمہ موسمیات نے خبردار کیا ہے کہ کراچی والے ہوشیار ہوجائیں ، آج شدید گرمی پڑے گی، درجہ حرارت 40ڈگری تک پہنچ سکتا ہے جبکہ کل پارہ41ڈگری سینٹی گریڈ تک جائے گا۔

تفصیلات کے مطابق محکمہ موسمیات نے کراچی میں آج درجہ حرارت 40ڈگری تک پہنچنےکی پیشگوئی کی ہے جبکہ کل پارہ41ڈگری سینٹی گریڈ تک جائے گا، بحر ہند اور بحیرہ عرب میں ہوا کے کم دباؤسے گرمی کی شدت میں اضافہ ہوا، جس سے سمندری ہوائیں بھی بند ہوئیں، درجہ حرارت میں اضافےکےباعث ہیٹ اسٹروک اور ہیٹ ویو کا خدشہ بھی ظاہر کیا گیا ہے۔

کراچی کاموجودہ درجہ حرارت 35ڈگری سینٹی گریڈ ہے، آج زیادہ سے زیادہ درجہ حرارت 38 سے 40 ڈگری رہنے کا امکان ہے جبکہ ہوا میں نمی کا تناسب 37 فیصد ہے، نمی کے کم تناسب سے گرمی کی شدت زیادہ محسوس کی جارہی ہے، پیر منگل بدھ کراچی والوں کے لئے شدید گرم رہیں گے، اس دوران درجہ حرارت اکتالیس کو بھی چھو سکتا ہے۔

محکمہ موسمیات نے مختلف اداروں کو خط لکھ کر موسم کی صورتحال سے مطلع کردیا ہے، جس میں بتایا گیا ہے کہ منگل اور بدھ کو شہر کا درجہ حرارت چالیس ڈگری تک پہنچ سکتا ہے، کراچی میں گرمی کا سلسلہ اتوار سے جمعہ تک جاری رہنے کا امکان ہے، سمندری ہواوں کی رفتار میں کمی کے باعث گرمی کی یہ شدت پورے ہفتے برقرار رہے گی۔


مزید پڑھیں : کراچی میں2روزبعددرجہ حرارت 40 سےبڑھ کر42 ڈگری تک جانے کا امکان


چیف میٹرولوجسٹ عبدالرشید کا کہنا ہے کہ مئی اور اکتوبر سال کے گرم ترین ماہ شمار کئے جاتے ہیں اور ہر سال کی طرح اس سال بھی اکتوبر کا مہینہ شہر قائد پر سورج پوری آب و تاب کے ساتھ گرمی برسائے گا اور گرمی کی شدت میں اضافہ ہوتا رہے گا۔

ماہرین کے مطابق ہیٹ اسٹروک سے بچاو کیلئے حفاظتی اقدامات اور احتیاطی تدابیر اختیار کی جائیں، گرمی کی شدت سے بچنے کیلئے شہری پانی کا استعمال زیادہ کریں، شہری دھوپ میں نکلنے سے گریز اور کھانے پینے میں احتیاط کریں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں