The news is by your side.

Advertisement

کراچی میں پولیس مقابلہ‘ 3 ملزمان گرفتار

کراچی: شہرقائد کے علاقے شاہ لطیف ٹاؤن میں پولیس مقابلے کے دوران 3 ملزمان زخمی حالت میں گرفتار کرلیے گئے۔

تفصیلات کے مطابق کراچی کے علاقے شاہ لطیف ٹاؤن میں ملزمان شہریوں سے لوٹ مار کررہے تھے کہ پولیس کو دیکھ کر فائرنگ شروع کردی۔

پولیس حکام کے مطابق فائرنگ کے تبادلے میں ذیشان، حمید اور گل عرف گگو کو زخمی حالت میں گرفتار کرلیا گیا۔

ملزمان نے گزشتہ ماہ ڈکیتی مزاحمت پرگارڈ کو زخمی کیا تھا۔ انہیں سی سی ٹی وی فوٹیج کی مدد سے شناخت کیا گیا، ملزمان متعدد سنگین نوعیت کے مقدمات میں بھی مطلوب تھے۔

کراچی پولیس کی کامیاب کارروائی‘ کالعدم تحریک طالبان کے دو دہشت گرد گرفتار

یاد رہے کہ گزشتہ ماہ کراچی پولیس نے خفیہ اطلاع پر کارروائی کرتے ہوئے دہشت گردی کی متعدد وارداتوں میں ملوث دو خطرناک ملزمان کو گرفتار کیا تھا۔

دہشت گردوں میں رحمت علی عرف قاری صاحب اور صابر شاہ عرف ملا شامل تھے، دہشت گرد رحمت کا تعلق ملا فضل اللہ جاوید سواتی گروپ سے تھا۔

واضح رہے کہ گزشتہ سال 28 ستمبر کو کراچی کے علاقے ابوالحسن اصفہائی روڈ پر اسکاؤٹ کالونی کے قریب پولیس مقابلے کے دوران دو انتہائی مطلوب ٹارگٹ کلرریحان بنگالی اور معصور مارے گئے تھے۔

پولیس حکام کے مطابق ریحان بنگالی پولیس افسرسمیت متعدد افراد کے قتل میں ملوث تھا، ریحان بنگالی 2012 سے ٹارگٹ کلنگ اور ڈکیتی کی وارداتیں کررہا تھا۔

Comments

comments

یہ بھی پڑھیں