The news is by your side.

Advertisement

پروین رحمٰن اور سبین محمود کے نام سے شاہراہیں منسوب

کراچی : کے ایم سی کے ڈائریکٹر جنرل آف ٹیکنیکل سروس نے شہر قائد کی تین شاہراوں کے نام اہم شخصیات سے منسوب کر کے نام تبدیل کرنے کی منظوری دے دی۔

تفصیلات کے مطابق کورنگی گودام چورنگی کاٹی (8000 تا 1000 اور 3000 تا 5000) سڑک کو سماجی رہنما سبین محمود کے نام سے منسوب کردیا گیا ہے۔

باغ ابن قاسم سے ملحقہ سڑک ( شاہراہ فردوسی سے مرین پرومینیڈ تک ) کی شاہراہ کو پائلٹ پروجیکٹ کی ڈائریکٹر پروین رحمان سے منسوب کردیا گیا ہے تاہم لیاری ٹاؤن سے ملحقہ سڑک اٹمارم پریتم داس سے ٹینری روڈ تک کی شاہراہ کو سلطان محمد قاضی کا نام دے دیا گیا ہے۔

sabeen-post

واضح رہے معروف سماجی رہنما اور ٹی ٹو ایف کی ڈائریکٹر سبین محمود کو 24 اپریل 2015 کو کراچی میں ڈیفنس فیز ٹو میں اپنے دفتر سے واپسی پر دہشت گردوں کی جانب سے فائرنگ کر کے شدید زخمی کردیا تھا۔

مزید پڑھیں : آخرکیسے ایک آئی بی اے گرایجویٹ سبین محمود کوقتل کرسکتا ہے؟

فائرنگ کے وقت مقتولہ اپنی والدہ کے ہمراہ اپنے دفتر سے گھر جارہی تھیں، سبین کو شدید زخمی حالت میں اسپتال منتقل کیا گیا تھا جہاں وہ زخموں کی تاب نہ لاتے ہوئے جاں بحق ہوگئی تھیں۔

دوسری جانب اورنگی پائلٹ پراجیکٹ کی ڈائریکٹر پروین رحمان کو سائٹ ایریا میں نامعلوم ملزمان کی جانب سے فائرنگ کر کے قتل کردیا گیا تھا۔

مزید پڑھیں : پروین رحمان قتل کیس کا مرکزی ملزم رحیم سواتی گرفتار

 واضح رہے سبین محمود قتل میں ملوث سعد عزیز کو آرمی کورٹ کی جانب سے پھانسی کی سزا سنائی جاچکی ہے جبکہ پروین رحمان کے قتل میں ملوث قاتل رحیم سواتی نے بھی دوران تفتیش اپنے جرم کا اعتراف کرلیا ہے۔
Print Friendly, PDF & Email

Comments

comments

یہ بھی پڑھیں