کراچی: کلفٹن چائنا پورٹ سے ملنے والی تشدد زدہ لاش کی شناخت ہوگئی، مقتولہ بیوہ تھی اور بلدیہ ٹاؤن میں رہائش پذیر تھیں۔
کراچی میں کلفٹن چائنا پورٹ کے قریب سے ملنے والی تشدد زدہ خاتون کی لاش کی شناخت کر لی گئی ہے۔
پولیس کنے بتایا کہ مقتولہ کی شناخت شہناز کے نام سے ہوئی، جسے اس کے بیٹے نے شناخت کیا۔
پولیس حکام کے مطابق مقتولہ بیوہ تھی اور بلدیہ ٹاؤن میں رہائش پذیر تھیں، خاتون 22 نومبر کو مدینہ کالونی کے علاقے سے لاپتہ ہوئی تھی، جس پر مقتولہ کے بیٹے نے متعلقہ تھانے میں ایک درخواست جمع کرائی تھی۔
پولیس کے مطابق درخواست میں یہ بھی تحریر تھا کہ وہ فی الحال ایف آئی آر درج نہیں کروانا چاہتے۔
پولیس حکام کا کہنا ہے کہ خاتون کی لاش تشدد کے نشانات کے ساتھ ملی تھی، جسے ضابطے کی کارروائی کے بعد اسپتال منتقل کیا گیا۔ پولیس کی جانب سے مزید قانونی کارروائی اور تفتیش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں